Febreiro, ademais de ser un dos mellores momentos para saborear marisco, conta tamén cunha das festas máis desexadas do ano: o Entroido.
Dende as ceas de comadres e compadres, na semana anterior ao martes de Entroido, ata o Domingo Fareleiro, temos tempo para os disfraces, as orellas e as filloas, a lacoada e outros manxares de inverno.
No Entroido do Grove destacan:
- As comparsas: agrupacións que cos seus cantos e postas en escena satirizan os acontecementos do último ano.
- O desfile da tarde do martes: discorre polas principais rúas da vila ata ben chegada a noite.
- O solemne enterro de dona Sardiña: o venres seguinte, no peirao do Corgo.
